डिलिव्हरी बॉय होण्यासाठी काय करावं लागतं; किती असतो पगार! वाचा सविस्तर.

 

कडक उन्हात जेव्हा तूम्ही एसी कारमधून प्रवास करत असता. तेव्हा तळपत्या उन्हात कोणाला तरी जेवण पोहोचवण्यासाठी धडपड करणारा डिलिव्हरी बॉय तूम्हाला नक्कीच कधीतरी दिसून आलेला असेल. तेव्हा त्याची दया येते आणि किती रूपये पगार असेल त्याला असा प्रश्न आपसुकच तुम्हाला पडला असेल.

जेव्हा एखादा नवा व्यवसाय बाजारात येतो. तेव्हा नव्या करिअरच्या संधी उपलब्ध होतात. आजकाल अनेक तरुण-तरुणी एक करिअर ऑप्शन म्हणून डिलिव्हरी करणाऱ्या या नव्या क्षेत्राकडे पाहात आहेत. यामूळेच खाद्य पदार्थ ग्राहकाच्या दारापर्यंत पोहोचवण्याच्या या क्षेत्रात नोकरीच्या अनेक संधी उपलब्ध होत आहेत.

आज जर तुम्ही मेट्रो शहरात रहात असाल तर तुम्ही कित्येक दिवस घराबाहेर न पडता सहज राहू शकतात इतके ऑनलाईन ऑर्डर करण्याचे पर्याय दिवसागणिक आपल्यासमोर येत आहेत.

आज ‘स्विगी’ या जपानी कंपनीचा ‘डिलिव्हरी बॉय’ हा एखाद्या खाजगी क्षेत्रात काम करणाऱ्या कर्मचारी इतकी कमाई करतो हे ऐकून कोणालाही आश्चर्य वाटेल. नोकरी करतांना मिळणाऱ्या सर्व सुविधा या ‘स्विगी’च्या ‘डिलिव्हरी बॉय’ला सुद्धा उपलब्ध असतात आणि म्हणूनच आज हजारो सुशिक्षित लोक पूर्ण वेळ किंवा ‘पार्ट टाईम’ या ‘स्विगी’ सोबत जोडले जात आहेत.

आज करिअरच्या ऑप्शनच्या दृष्टीने याची माहिती पाहुयात. या क्षेत्रात जाण्यासाठी किती पात्रता आहे? किती पगार आहे, तसेच कामाचे स्वरूप काय आहे हे पाहुयात.

शिक्षणाची अट

कोणत्याही ई-कॉमर्स कंपनीमध्ये डिलिव्हरी बॉयची नोकरी मिळवण्यासाठी आधी 10वी किंवा 12वी पास असावे लागता.तसेच तूमच्याकडे टु व्हिलर असायला हवी,अशी अट या कंपनीची असते.  

पात्रता

• उमेदवार 10वी किंवा 12वी उत्तीर्ण असावा.
• त्याच्याकडे स्मार्टफोन असावा, स्मार्ट फोन कसा चालवायचा हे माहित असावे.
• उमेदवाराकडे स्वत:ची बाईक असावी
• बाईक किंवा बाईककडे सर्व कागदपत्रे असावीत.
• ड्रायव्हिंग लायसन्स असायला हवे.
• आधार कार्ड/पॅन कार्ड आणि बँक खाते असावे.

असे करा अप्लाय

तूमचे शिक्षण पूर्ण झाल्यानंतर तुम्ही कोणत्याही ई-कॉमर्स कंपनीमध्ये डिलिव्हरी बॉयच्या नोकरीसाठी ऑनलाइन किंवा ऑफलाइन अर्ज करू शकता.

तुम्ही तुमच्या शहरा जवळच्या ई-कॉमर्स कंपनीच्या कार्यालयात जाऊन नोकरीबद्दल बोलू शकता किंवा ई-कॉमर्स कंपनीच्या वेबसाइटद्वारे ऑनलाइन अर्ज करू शकता.

जॉबसाठी अवश्यक कागदपत्रे

• ड्रायव्हिंग लायसन्स असायला हवे
• आधार कार्ड/पॅन कार्ड आणि बँक खाते असणे आवश्यक आहे.

कसे बनाल डिलिव्हरी बॉय

डिलिव्हरी बॉय बनण्यासाठी, पहिली 10वी किंवा 12वी उत्तीर्ण व्हा.

बाईक चालवायला शिका आणि ड्रायव्हिंग लायसन्स मिळवा.

ई-कॉमर्स कंपनीमध्ये डिलिव्हरी बॉयच्या जॉबसाठी अर्ज करा.

संबंधित कंपनीच्या ऑफिसमध्ये जाऊन ऑफलाइन अर्ज करा.

तुम्ही कंपनीच्या वेबसाइटवर ऑनलाइन अर्ज देखील करू शकता.

प्रत्येक शहरात/नगरात फ्लिपकार्ट, अॅमेझॉन सारख्या ई-कॉमर्स कंपनीचे कार्यालय किंवा केंद्र आहे.

तुमच्या शहरातील जवळच्या ई-कॉमर्स केंद्रावर जाऊन नोकरीसाठी अर्ज करा.

तुमच्याकडे डिलिव्हरी व्यक्तीची सर्व कौशल्ये असतील आणि डिलिव्हरी बॉयची जागा रिक्त असेल, तर तुम्हाला नोकरी मिळेल.

यासाठी कोणत्याही प्रकारची परिक्षा घेतली जात नाही. फक्त तुमच्या व्यक्तीमत्वाची चाचणी घेतली जाईल.

तूमच्याकडे गाडी नसेल तरी देखील तुम्ही काम करू शकता...

तुमच्याकडे स्वतःची गाडी असावी आणि तुमच्याकडे दुचाकी चालवण्याचा वाहन परवाना असावा या गोष्टी इतर आवश्यक पात्रता कंपनीने ठेवली आहे. स्वतःची गाडी नसेल, पण दुचाकी चालवण्याचा वाहन परवाना असेल तर स्विगी तुमच्यासाठी बाईक खरेदी करते आणि तुम्हाला मासिक हफ्त्याने उपलब्ध करून देते.

डिलिव्हरी बॉयला किती पगार असतो

कंपनी डिलिव्हरी बॉयला दरमहा 10,000 ते 15,000 रुपये वेतन देते. प्रत्येक पदार्थाच्या डिलिव्हरीसाठी प्रति किलोमिटर 5 ते 7 रुपये मिळतात. त्यामूळे महिन्यात तूम्ही जितकी फुड डिलिव्हरी कराल तितके रूपये तूम्हाला मिळतात. त्यामूळे पगाराचा आकडा स्थीर नसतो. वेळेनुसार ‘डिलिव्हरी बॉय’ला पैसे देण्याचं ठरवलं असेल तर ती रक्कम १ रुपये प्रति मिनिट अशी ठरवली जाते.

पार्ट टाईम कामासाठी किती मिळतात

डिलिव्हरी बॉय हा जॉब तूम्ही पार्ट टाईम कामासाठी पाहत असाल. तरी हा पर्याय तूमच्या फायद्याचाच आहे. प्रत्येक दिवशी ८ ते १० डिलिव्हरीची संधी देऊन त्यांचं रोजचं उत्पन्न हे कमीत कमी ८४० रुपये असेल याची स्विगी नेहमी काळजी घेत असते.

पार्ट टाईमसाठी ही रक्कम प्रति दिवस ४२० रुपये इतकी ठरवलेली आहे. प्रत्येक दिवशी ८ ते १० डिलिव्हरीची संधी देऊन त्यांचं रोजचं उत्पन्न हे कमीत कमी ८४० रुपये असेल याची स्विगी नेहमी काळजी घेत असते. पार्ट टाईम साठी ही रक्कम प्रति दिवस ४२० रुपये इतकी ठरवलेली आहे.

पेट्रोल कंपनी देते का?

डिलिव्हरी बॉयसाठी पेट्रोलचा खर्च वेगळा दिला जातो का. असा प्रश्न अनेकांच्या मनात असेल. तर त्याचे उत्तर असे आहे की, कंपनी फकत पगार देते. पेट्रोलचा खर्च तुम्हाला तुमच्या पगारातून द्यावा लागतो.

अब्ब ! CRPF मध्ये तब्बल 'इतक्या' लाख जागांवर भरती; ७० हजारांपर्यंत मिळणार पगार

 

लवकरच CRPF मध्ये मोठी भरती होणार आहे. या भरती मोहिमेद्वारे, कॉन्स्टेबल (जनरल ड्यूटी) पदाच्या एकूण १.३० लाख जागांसाठी उमेदवारांची नियुक्ती केली जाईल.

गृह मंत्रालयाने या संदर्भात नोटीस प्रसिद्ध केली आहे. मात्र, अर्ज सुरू होण्याची आणि संपण्याची तारीख याबाबत अजूनही  कोणतीही माहिती देण्यात आलेली नाही. केंद्रीय राखीव पोलीस दलातील ही पदे थेट भरतीद्वारे भरली जातील.

रिक्त जागांचा तपशील :-

मंत्रालयाने प्रसिद्ध केलेल्या नोटीसनुसार, कॉन्स्टेबलच्या एकूण १ लाख २९ हजार ९२९ जागांवर भरती केली जाणार आहे. यापैकी १ लाख २५ हजार २६२ जागा पुरुष उमेदवारांसाठी तर ४ हजार ४६७ जागा महिला उमेदवारांसाठी आहेत.

यासोबतच माजी अग्निवीरांसाठी दहा टक्के जागा राखीव ठेवण्यात आल्या आहेत. कॉन्स्टेबल पदावर माजी अग्निविरांची नियुक्ती केली जाईल.

अर्ज कोण करू शकतो ?

या पदांसाठी अर्ज करू इच्छिणाऱ्या उमेदवारांनी मान्यताप्राप्त बोर्डातून मॅट्रिक उत्तीर्ण केलेले असावे. त्यांच्या वयोमर्यादेबद्दल बोलायचे झाल्यास १८ ते २३ वर्षे वयोगटातील उमेदवार अर्ज करू शकतात. तपशीलवार माहिती सविस्तर जाहिरात प्रसिद्ध केल्यानंतर मिळू शकते.

निवड कशी होईल ?

या पदांसाठी उमेदवारांची निवड शारीरिक क्षमता चाचणी, वैद्यकीय चाचणी आणि लेखी चाचणीद्वारे केली जाईल.

पुढील टप्प्यासाठी परीक्षा उत्तीर्ण होण्यासाठी, उमेदवारांनी शारीरिक कार्यक्षमता चाचणी आणि लेखी परीक्षा उत्तीर्ण करणे आवश्यक आहे. या दोन्ही परीक्षा उत्तीर्ण झाल्यानंतरच ते परीक्षेच्या पुढील टप्प्यात बसू शकतील.

इतका पगार मिळेल . 

या पदांसाठी प्रोबेशन कालावधी २ वर्षांचा असेल आणि या दरम्यान त्यांना वेतन मॅट्रिक्सनुसार २१ हजार ७०० ते ६९ हजार १०० रुपये पगार मिळेल. अर्ज सुरू होण्याच्या तारखांबद्दल कोणतीही माहिती देण्यात आलेली नाही.

सविस्तर नोटीस लवकरच प्रसिद्ध होईल, अशी अपेक्षा आहे. कोणत्याही विषयावर तपशीलवार माहिती मिळविण्यासाठी वेळोवेळी CRPF ची अधिकृत वेबसाइट crpf.gov.in तपासत राहाणे गरजेचे आहे.

 लवकरच आम्ही आपणांस तारीख कळवू.

Zomato सोबत व्यवसाय करा, आणि लाखो रूपये कमवा!

 

आज आपण या लेखामध्ये पाहणार आहोत की झोमॅटोमध्ये व्यवसायासाठी तुमची नोंदणी कशी करू शकता ,व  झोमॅटोमधून पैसे कसे कमवायचे? आणि यामुळे तुमच्या व्यवसायाला कसा हातभार लागेल.

भारताने आंतरराष्ट्रीय बाजारपेठेकडे नेहमीच एक मोठी संधी म्हणून पाहिले आहे. हे डिजिटल युग असल्याने, लोकांना ऑनलाइन आकर्षित करण्यासाठी अनेक स्टार्ट-अप बाजारात प्रवेश करत आहेत. ऑनलाइन रेस्टॉरंट्स आणि ऑनलाइन फूड ऑर्डरिंग सिस्टमच्या वाढत्या मागणीसह, अनेक स्टार्टअप उदयास आले आहेत आणि झोमॅटो भारतातील सर्वात वेगाने वाढणारी अन्न वितरण प्रणाली आहे. अलीकडच्या काळात ग्राहकांची खाण्याची पद्धत बदलली आहे.

या फूड डिलिव्हरी अॅपच्या आगमनाने वापरकर्त्यांचा वेळ, श्रम आणि पैसा वाचला आहे तसेच त्याच्याशी संबंधित असलेल्या रेस्टॉरंट्सच्या व्यवसायात लक्षणीय सुधारणा झाली आहे. याशिवाय, कंपनी लोकांना फीडबॅक देण्याची संधी देखील देते की ते एकतर रेस्टॉरंटची प्रशंसा करू शकतात किंवा त्यांच्या विरोधात चुकीचे पुनरावलोकन देऊ शकतात. त्यामुळे हॉटेल व्यावसायिकांना आपल्या हॉटेलबद्दल लोकांना कशा प्रकारची सेवा पाहिजे हे जाणून घेण्यासाठी मदतच होत आहे.

• Zomato ची यशोगाथा

झोमॅटोची स्थापना 2008 मध्ये दीपंदर गोयल आणि पंकज चढ्ढा यांनी केली होती, ज्यांनी आयआयटी दिल्लीमधून शिक्षण पूर्ण केले होते. नोव्हेंबर 2010 पर्यंत झोमॅटोला "फूडीबे" म्हणून ओळखले जात असे. झोमॅटो किंवा फूडीबेची सुरुवात त्याच्या कॉलेजच्या दिवसांपासून झाली की, त्याने आपल्या मित्रांना वेगवेगळ्या रेस्टॉरंटच्या मेनूमधून वेगवेगळ्या प्रकारचे खाद्यपदार्थ ऑर्डर करताना पाहिले.

2012 मध्ये, झोमॅटोने जगभरात आपले पंख पसरवले आणि बाजारात रेस्टॉरंट्सची यादी करण्यास सुरुवात केली. अर्बनस्पूनने बाजारात प्रवेश करण्यापूर्वी, झोमॅटोने आपले स्थान मिळवले आहे आणि आता 25 देशांमधील 10 लाखांहून अधिक रेस्टॉरंट्ससह जागतिक स्तरावर उपस्थित आहे आणि दररोज 1.25 दशलक्ष ऑर्डर झोमॅटो घेते.

• झोमॅटोसोबत व्यवसाय कसा करायचा

Zomato ही एक जागतिक कंपनी आहे जी 24 देशांमध्ये कार्यरत आहे. Zomato चे बिझनेस मॉडेल त्याच्या वेबसाइट आणि मोबाईल अॅप्सवर दिल्या जाणाऱ्या स्थानिक जाहिरातींवर आधारित आहे. झोमॅटो कंपनी रेस्टॉरंटला लोकांपर्यंत पोहोचवते आणि रेस्टॉरंटला त्याचा व्यवसाय लवकर वाढवण्याची संधी देते. त्यामुळे, झोमॅटो असोसिएशनमध्ये झोमॅटोची नोंदणी करून ग्राहकांपर्यंत पोहोचणे सोपे होते आणि ग्राहकांच्या मोठ्या समूहापर्यंत व्यवसायाचा विस्तार करण्यात यशस्वी होतो.

झोमॅटो तुमच्या घराच्या आसपासच्या रेस्टॉरंट्सचे जेवण तुमच्या दारापर्यंत पोहोचवण्याचे काम करते. म्हणजेच रेस्टॉरंटचे खाद्यपदार्थ तुम्हाला मिळतात. जर तुमचे स्वतःचे खाद्यपदार्थांचे दुकान असेल आणि तुम्हाला Zomato मध्ये सहभागी होऊन काही काम करायचे असेल, तर हा एक चांगला उपाय आहे.

आता जर तुमच्याकडे तुमचे एखादे रेस्टॉरंट आहे. स्वतःचे आणि तुमचे जेवण जर जेवणाचा दर्जाही चांगला असेल, तर लोक तुमच्या रेस्टॉरंटमधून नक्कीच ऑर्डर करतील, जर तुम्ही तुमच्या रेस्टॉरंटचे नाव Zomato कंपनीसोबत जोडले आणि तुमचे जेवण Zomato द्वारे तुमच्या ग्राहकांपर्यंत पोहोचवले, तर ही खूप चांगली गोष्ट आहे.

• यासाठी खालील गोष्टी आपल्याकडे असणे गरजेचे आहे.

एक अतिशय लहान मार्ग आहे आणि तो म्हणजे तुमच्याकडे भारतीय अन्न सुरक्षा आणि मानक प्राधिकरणाने जारी केलेले प्रमाणपत्रे असणे आवश्यक आहे. म्हणजेच FSSAI. जीएसटीचा स्वतःचा क्रमांक असावा. आधार कार्ड, पॅन कार्ड, ड्रायव्हिंग लायसन्स, मतदार कार्ड इत्यादी ओळखीचा पुरावा असणे आवश्यक आहे.

• झोमॅटोमध्ये रजिस्टर कसे करावे

झोमॅटोमधील रेस्टॉरंटची नोंदणी करण्याच्या प्रक्रियेत खालील पायऱ्यांचा समावेश आहे.  

झोमॅटोच्या रेस्टॉरंटच्या यादीमध्ये रेस्टॉरंट जोडणे झोमॅटोच्या व्यवसाय अॅपवर नोंदणी करणे जर एखादे रेस्टॉरंट झोमॅटोच्या यादीमध्ये समाविष्ट नसेल तर त्या रेस्टॉरंटचा मालक खाली दिलेल्या पायऱ्या फॉलो करू शकतो.

1.       झोमॅटो अॅप्लिकेशन इंस्टॉल करणे,

2.      अॅड रेस्टॉरंट लिंकवर जा आणि रेस्टॉरंटचे नाव, फोन नंबर, शहर यासारख्या माहितीसह नोंदणी फॉर्म भरा,

3.      त्यानंतर झोमॅटोच्या यादीमध्ये जोडण्यासाठी अॅड रेस्टॉरंटवर क्लिक करा.

4.      त्यानंतर सबमिट करा ,

5.      सबमिट केल्यानंतर, झोमॅटोचा प्रतिनिधी तुमच्याकडे येईल आणि कागदपत्रे गोळा करेल. (पॅन कार्ड, आधार कार्ड, FSSAI कॉपी, रेस्टॉरंट फोटो यासारखी आवश्यक कागदपत्रे).

6.      रेस्टॉरंट पडताळणी पूर्ण झाल्यानंतर तुमचे रेस्टॉरंट जोडले जाईल.

Zomato मधून पैसे कमवण्यासाठी तुम्हाला तुमचे जेवण चांगले आणि दर्जेदार बनवावे लागेल. यामुळे लोक त्याकडे आकर्षित होतील आणि पुन्हा फूड ऑर्डर करतील. यामुळे तुमची कमाई पूर्वीपेक्षा जास्त वाढेल.

तुमची इच्छा असल्यास, तुमची कमाई वाढवण्यासाठी तुम्ही तुमच्या खाद्यपदार्थांच्या जाहिराती देखील करू शकता. यामुळे लोकांना तुमच्या जेवणाची माहिती मिळेल, ज्यामुळे तुमची कमाई वाढेल.

जर तुम्हाला तुमची कमाई दुप्पट करायची असेल, तर त्यासाठी तुम्हाला वेळेवर जेवण लोकांपर्यंत पोहोचवावे लागेल. जेणेकरून तुम्हाला पुढील ऑर्डर मिळतील आणि तुमची कमाई दुप्पट होईल.

यासाठी तुम्हाला तुमच्या जेवणाचा दर्जाही सुधारावा लागेल. जेणेकरून तुम्हाला पुन्हा पुन्हा ऑर्डर मिळू शकतील.

तसेच, तुम्हाला तुमचा संवाद चांगला ठेवावा लागेल जेणेकरून तुम्हाला ऑर्डर सहज मिळेल. जेणेकरून तुम्हीही कमवू शकता.

• झोमॅटोचे कमिशन किती?

तुम्ही नोंदणी करता तेव्हा तुम्हाला Zomato ला ७.५ टक्के भरावे लागतात. ज्यामध्ये वितरण सेवा आणि पेमेंट गेटवे शुल्क समाविष्ट केले जाणार नाही. ज्या रेस्टॉरंटमध्ये एका आठवड्यात 50 पेक्षा कमी ऑर्डर असतील, तर तुम्हाला 2.99 टक्के सोबत 99 रुपये कमिशन द्यावे लागेल. 50 पेक्षा जास्त ऑर्डर ओलांडलेल्या कोणत्याही रेस्टॉरंटला कोणतेही कमिशन शुल्क भरावे लागणार नाही. हे तुम्हाला ऑर्डर घेणे खूप सोपे करेल.

केंद्र सरकारच्या ‘या’ विभागात इंटर्नशिपची संधी! मिळेल ‘इतके’ मानधन

 

भारत सरकारद्वारे पदवी, पदव्युत्तर आणि संशोधन करणाऱ्या उमेदवारांसाठी इंटर्नशिपची संधी मिळणार आहे. वाणिज्य मंत्रालय आणि उद्योग अंतर्गत DPIIT (डिपार्टमेंट फॉर प्रमोशन ऑफ इंडस्ट्री अँड इंटर्नल ट्रेड) या अधिकृत विभागातर्फे ही इंटर्नशिप देण्यात येणार आहे. यासाठी केवळ भारतच नाही तर परदेशात शिकणाऱ्या विद्यार्थ्यांनाही महत्त्व देण्यात आले आहे. त्यासाठी संबंधित विभागाच्या वेबसाइटवर या इंटर्नशिपबाबत पूर्ण सूचनाही दिली आहे, जिथे याची आपल्याला सविस्तर माहिती मिळू शकेल. त्यासाठी इच्छूक उमेदवार डीपीआयआयटी (डीपीआयआयटी) ची वेबसाइटवर अर्ज करू शकतात.

कोणता विभाग ही इंटर्नशिप देत आहे?

ही इंटर्नशिप वाणिज्य आणि उद्योग विभागांतर्गत दिली जात आहे. ज्यांचे पूर्ण नाव डीपीआयआयटी (उद्योग आणि अंतर्गत व्यापार संवर्धन विभाग) असे ठेवण्यात आले आहे. ग्रॅज्युएशन आणि पोस्ट ग्रॅज्युएशन व्यतिरिक्त संशोधनाशी संबंधित असलेल्या विद्यार्थ्यांनाही ही इंटर्नशिप मिळण्याची सुवर्णसंधी भारत सरकारकडून उपलब्ध करून दिली जात आहे.

यासाठी पात्रता काय असावी ?

पात्रतेनुसार, उमेदवाराने पदवी, पदव्युत्तर उत्तीर्ण किंवा संशोधन उत्तीर्ण असणे अनिवार्य आहे. याशिवाय ग्रॅज्युएशन, पोस्ट ग्रॅज्युएशन किंवा संशोधन करणारे विद्यार्थीही यासाठी अर्ज करू शकतात.

डीपीआयआयटी प्रोग्रामसाठी कोणत्या विषयात संशोधन करणे आवश्यक आहे ?

जो उमेदवार इंजिनिअरिंग, मॅनजमेंट, लॉ, इकॉनॉमिक्स, फायनान्स, कॉम्प्यूटर्स आणि लायमलमेंटमध्ये संशोधन करू शकतात असे विद्यार्थी या प्रोग्रामसाठी योग्य उमेदवार आहेत.

इंटर्नशिपचा कालावधी आणि प्रक्रिया काय ?

या कार्यक्रमाचा कालावधी 3 महिन्यांचा आहे. हा कार्यक्रम वर्षभर अर्जांसाठी खुला असेल. या इंटर्नशिपसाठी उमेदवार फक्त ऑनलाइन अर्ज करू शकतात. संपूर्ण सहा महिन्यांच्या कालावधीसाठी ही इंटर्नशिप पूर्ण करण्याची विद्यार्थ्यांवर कोणतीही सक्ती नाही. ते या कार्यक्रमासाठी 1 महिना, 2 महिने, 3 महिने किंवा त्यांच्या गरजेनुसार अर्ज करू शकतात.

असा करा अर्ज. 

संबंधित विभागाच्या वेबसाइटवर जाऊ विद्यार्थी थेट अर्ज करू शकतात किंवा नंतर https://dpiit.gov.in/internship/internship-scheme.php वर. या लिंकवर जाऊन इंटर्नशिपसाठी स्टेटमेंट अर्ज केला जाऊ शकतो. ही लिंक उघडल्यानंतर एक अर्ज दिसेल जो भरून ही प्रक्रिया पूर्ण केली जाऊ शकते.

किती जागांवर होणार भरती आणि किती आहे मानधन ?

या इंटर्नशिपसाठी वयाची कोणतीही बंधने नाही. भारत सरकारद्वारे फक्त २० जागांची भरती होणार आहे. उमेदवार या इंटर्नशिपसाठी दरमहा १०,००० प्रतिमाह मानधन देणार आहेत. इंटर्नशिप पूर्ण केल्यानंतर मंत्रालयाद्वारा अधिकृत इंटर्नशिप पूर्ण करण्याचे सर्टिफिकेट दिले जाणार आहे.

निवड प्रक्रिया कशी असेल ?

या इंटर्नशिपसाठी भिन्न भारतीयांची केली जाणार आहे. त्यासाठी निवडलेल्या प्रक्रियेसाठी निर्धारित मापदंड इंटर्नशिपसाठी निवड काय प्रक्रिया आहे, त्याची संपूर्ण माहिती उमेदवार विभागाची अधिकृत वेबसाइट https://dpiit.gov.in/internship-scheme-0 वेबसाइटला भेट देऊन घेऊ शकतात.

सरकारी नोकरीची सुवर्णसंधी! MPSC कडून ‘या’ १४६ पदांसाठी भरती प्रक्रिया सुरु

महाराष्ट्र लोकसेवा आयोगात(MPSC) लवकरच काही जागांसाठी भरती केली जाणार आहे. आयोगाकडून यासाठीची अधिसूचना जारी करण्यात आली आहे. या भरतीसाठी पात्र आणि इच्छुक उमेदवारांना २ मे २०२३ पर्यंत ऑनलाईन अर्ज करता येणार आहेत. या भरतीसाठीची शैक्षणिक पात्रता, वयोमर्यादा, महत्वाच्या तारखा याबाबतची माहिती जाणून घेऊया.

महाराष्ट्र लोकसेवा आयोगाने वैद्यकीय अधिकारी (महाराष्ट्र वैद्यकीय विमा सेवा गट-अ) या पदासाठी भरती जाहीर केली आहे. तर या भरती अंतर्गत जवळपास १४६ रिक्त जागा भरल्या जाणार आहेत. याबाबतची माहिती एमपीएससीने जाहिरात क्रमांक 017/2023 मध्ये दिली आहे.

• एकूण रिक्त पदे – १४६

• पदाचे नाव – वैद्यकीय अधिकारी

• शैक्षणिक पात्रता – MBBS.

• वयोमर्यादा – खुला प्रवर्ग – १८ ते ३८ वर्षे.

आरक्षित प्रवर्गाला ५ वर्ष सूट देण्यात येणार आहे.

• अर्ज शुल्क – खुला प्रवर्ग – ३९४ रुपये.

आरक्षित – २९४ रुपये.

• नोकरीचे ठिकाण – संपूर्ण महाराष्ट्र.

महत्वाच्या तारखा:

• ऑनलाईन अर्ज करण्याची सुरवात १० एप्रिल २०२३
• ऑनलाईन अर्ज करण्याची शेवटची तारीख – २ मे २०२३

उमेदवारांनी अर्ज भरण्यापुर्वी https://drive.google.com/file/d/1Poc9fbJe0ytHd1RFzPWKnxmeu0stnVrt/view या लिंकवरील जाहिरात काळजीपुर्वक वाचावी. तसेच अधिकच्या आणि सविस्तर माहितीसाठी आयोगाच्या https://www.mpsc.gov.in/ या अधिकृत बेवसाईटला अवश्य भेट द्या.

111:32 PM

आधार-पॅन जोडणीबाबत केंद्र सरकारची कडक भूमिका, पहा केंद्रीय अर्थमंत्र्यांनी काय दिला इशारा...

 

आधार कार्ड-पॅनकार्ड जोडणीसंदर्भात केंद्र सरकारने आता आणखी कडक भूमिका घेतली आहे.

आधार कार्डचा (Aadhaar Card) वापर आता प्रत्येक ठिकाणी आवश्यक झाला आहे. आधार कार्डची 12 अंकी संख्या ही भारतीय नागरिकांची ओळख आहे. आधार कार्ड आता केवळ ओळखपत्रापुरते मर्यादीत राहिलेले नसून. अनेक ठिकाणी त्याचा वापर होत आहे. तर पॅनकार्ड (Pan Card Linking) हे आपल्या आर्थिक परिस्थितीचा लेखाजोखा मांडते. पॅनकार्ड हे आपली आर्थिक कुंडली आहे. ही दोन्ही कार्ड जोडणीची चर्चा सुरु होती. त्यानंतर केंद्र सरकारने हे दोन्ही कार्ड जोडणीचे निर्देश दिले. भारतीय आयकर विभागाने त्यासाठी अधिसूचना काढली. आधारकार्ड-पॅनकार्ड जोडणीसाठी वेळोवेळी मुदत वाढ देखील देण्यात आली. गेल्यावर्षीपासून सशुल्क मुदत वाढ देण्यात आली आहे. आता केंद्रीय अर्थमंत्र्यांनी (Finance Minister) हे दोन्ही कार्ड जोडणी न करणाऱ्या नागरिकांना एक इशारा दिला आहे.

मुदतवाढ :-

यापूर्वी पॅनकार्ड आधार कार्ड जोडणीची अंतिम मुदत 31 मार्च 2023 होती. त्यानंतर ही तारीख वाढविण्यात आली. आता ही मुदतवाढ 30 जून पर्यंत आहे. तुम्ही अजूनही जोडणी केली नसेल तर लवकरात लवकर ही जोडणी करुन घ्या. ही प्रक्रिया अत्यंत सोपी आहे. घरबसल्या तुम्हाला ही प्रक्रिया करता येईल.

पॅनकार्ड-आधारकार्ड लिंक :-                                                                                      

अर्थात ही मुदतवाढ देताना केंद्र सरकारने नागरिकांना दंडाच्या रक्कमेतून कुठलीही सवलत मात्र दिली नाही. ग्रामीण आणि दुर्गम भागातील नागरिकांनी दंडाची रक्कम जास्त असल्याने जोडणीकडे पाठ फिरवल्याचा दावा करण्यात येत होता. तसेच ही दंडाची रक्कम माफ करण्याची विनंती करण्यात येत होती. पण 1000 रुपये भरल्याशिवाय या दोन्ही कार्डची जोडणी होणार नसल्याचे केंद्राने स्पष्ट केले आहे. जर असे केले नाहीतर पॅनकार्ड निष्क्रिय होईल.

काय दिला इशारा :-

केंद्रीय अर्थमंत्री निर्मला सीतारमण यांनी आधार कार्ड -पॅनकार्ड जोडणीबाबत दुर्लक्ष करणाऱ्या नागरिकांना इशारा दिला आहे. त्यांचे मते, केंद्र सरकारने हे दोन्ही कार्ड जोडणीसाठी मुदत वाढ दिली आहे. पण त्याकडे अनेकांनी लक्ष दिले नाही. त्यानंतर विलंब शुल्क आकारण्यात आले. 500, 1000 रुपये दंड घेऊन सध्या ही जोडणी होत आहे. आता नवीन दिलेल्या मुदतीत पण या दोन्ही कार्डची जोडणी झाली नाही तर दंडाची रक्कम आता वाढविण्यात येणार आहे. जून 2023 नंतर नागरिकांना जास्त भूर्दंड द्यावा लागू शकतो.

नियम काय :-

आयकर अधिनियमचे कलम 139 एए नुसार, प्रत्येक वापरकर्त्याला, ज्याने 1 जुलै, 2017 रोजी पर्यंत पॅनकार्ड जारी करण्यात आले आहे आणि त्यांच्याकडे आधार कार्ड आहे. त्यांनी आधार कार्ड-पॅन कार्ड लिकिंग करणे आवश्यक आहे. या नियमातून आसाम, जम्मू आणि काश्मीर, मेघालय या राज्यातील रहिवाशांना ही प्रक्रिया पूर्ण करण्याची गरज नाही. तसेच जे नागरीक 80 वर्षे अथवा त्यापेक्षा अधिक आहे. त्यांनाही या प्रक्रियेतून सूट देण्यात आली आहे. तसेच जे भारतीय नागरीक नाहीत, त्यांना ही हे दोन्ही कार्ड लिंक करण्याची गरज नाही.